A ciberseguridade en 2025: Estamos preparados?
A dixitalización segue avanzando, e os ciberataques vólvense cada vez máis sofisticados. Este ano, o 2025, as empresas e os usuarios van enfrontarse a ameazas de ciberseguridade máis avanzadas, que incluirán entre outras: ransomware automatizado, ataques de phishing ultra personalizados, vulnerabilidades na Internet das Cousas (IoT) e o uso de intelixencia artificial en ciberataques.
En Enxenio, axudamos a empresas e organizacións a anticiparse a estas ameazas con estratexias avanzadas e personalizadas.
Os ciberdelincuentes, tamén coñecidos como hackers, están a perfeccionar as súas tácticas con ferramentas que lles permiten lanzar ataques informáticos máis rápidos e difíciles de detectar. Isto fai que sexa fundamental implantar medidas de seguridade proactivas, que van desde a autenticación multifactor até o uso de modelos de Zero Trust ou a concienciación de usuarios e formación en Ciberseguridade.
Neste artigo, desde Enxenio analizamos os maiores riscos de ciberseguridade en 2025 e compartimos as mellores prácticas para protexerse destas ameazas.
Principais ameazas de ciberseguridade en 2025
Ransomware avanzado: ataques máis rápidos e agresivos
O ransomware evolucionou e espérase que en 2025 os códigos maliciosos sexan aínda máis destrutivos. É dicir, os ataques informáticos serán automatizados, máis veloces e dirixidos a empresas e infraestruturas críticas.
Os ciberdelincuentes non só cifran os arquivos, senón que ameazan con compartir datos sensibles. Se non se paga o rescate, a información é publicada ou vendida a outras organizacións cibercriminais.
Como protexerse de ransomware avanzado?
-
Realizar copias de seguridade periódicas e almacenalas nun contorno seguro.
-
Implementar solucións de detección temperá de ransomware como Antivirus, Antimalware, EDR, entre outras solucións que ofrecemos desde Enxenio.
-
Formar os empregados para que recoñezan e eviten enganos deseñados para roubar información ou acceder a sistemas sen autorización.
Vulnerabilidades en dispositivos IoT: a porta traseira dos hackers
O crecemento da Internet das Cousas (IoT) facilitou a conexión de dispositivos, pero tamén xerou novas vulnerabilidades.
Moitos dispositivos non contan con protocolos de seguridade adecuados, o que os converte en brancos fáciles para os hackers.
Como protexerse da vulnerabilidades en dispositivos IoT?
-
Cambiar os contrasinais predeterminados dos dispositivos IoT.
-
Implementar redes segmentadas para illar equipos críticos.
-
Manter o firmware actualizado cos últimos parches de seguridade.
Intelixencia Artificial en ciberataques: deep fakes e phishing avanzado
Os ciberdelincuentes están a utilizar intelixencia artificial en ciberataques para facelos máis sofisticados.
En 2025, os deepfakes permitirán suplantar a identidade de executivos e empregados chave para facilitar fraudes financeiras e ataques de enxeñería social.
Ademais, o phishing evolucionará con mensaxes altamente personalizadas, que parecerán lexítimas ao usar datos recompilados mediante IA.
Como protexerse da intelixencia artificial en ciberataques?
-
Utilizar solucións de ciberseguridade baseadas en IA para detectar ameazas en tempo real.
-
Verificar sempre a autenticidade de correos electrónicos e mensaxes antes de compartir información confidencial.
-
Implementar dobre autenticación en todas as contas para reducir o risco de accesos non autorizados.
-
Realizar simulacións de ataques de phishing e capacitacións a persoas traballadoras.
Phishing e smishing evolucionado: enganos máis personalizados
O phishing, o smishing (phishing a través de SMS) e o vishing (phishing a través de chamadas) seguirán evolucionando en 2025 co uso de intelixencia artificial. Os atacantes deseñarán correos electrónicos e mensaxes de texto que replicarán perfectamente as comunicacións de empresas lexítimas para facer que máis usuarios caian na trampa.
Como protexerse do phishing e smishing evolucionado?
-
Non facer clic en ligazóns sospeitosas nin descargar arquivos de remitentes descoñecidos.
-
Activar filtros avanzados para detectar intentos de phishing en correos electrónicos.
-
Verificar directamente coa empresa se se recibe unha mensaxe pedindo credenciais ou datos bancarios.
-
Configurar autenticación multifactor (MFA) para evitar accesos non autorizados, mesmo se as credenciais foron comprometidas.
Ameazas internas e erros humanos: o elo máis débil
Os ataques cibernéticos non só proveñen do exterior; moitas veces, os erros humanos ou as ameazas internas poden comprometer a seguridade dixital dunha empresa. Empregados desinformados, credenciais filtradas e configuracións inadecuadas poden facilitar o acceso a información crítica.
Como protexerse de ameazas internas e erros humanos?
-
Implementar programas de formación continua en ciberseguridade para empregados.
-
Limitar accesos a información sensible só a persoal autorizado.
-
Realizar auditorías de seguridade dixital periódicas para detectar vulnerabilidades e corrixilas.
-
Utilizar ferramentas de vixilancia para detectar actividades sospeitosas dentro da rede corporativa.
Estratexias chave para mellorar a protección empresarial en 2025
Existen múltiples estratexias para mellorar a protección empresarial dos riscos de ciberseguridade en 2025, estes son os nosos favoritos:
Implementar autenticación multifactor (MFA) en todos os accesos
Os contrasinais por si sós xa non son seguros. Activar a autenticación en dous pasos (MFA) agrega unha capa extra de protección contra accesos non autorizados.
Investir en ciberseguridade baseada en IA
As empresas deben aproveitar a intelixencia artificial para predicir e bloquear ameazas antes de que ocorran, e mellorar a seguridade dixital en todos os niveis.
Políticas de Zero Trust: nunca confiar, sempre verificar
O modelo Zero Trust baséase na idea de que ningún usuario ou dispositivo ten acceso automático. Cada solicitude de acceso debe verificarse antes de conceder permisos.
Uso de redes VPN e cifrado de datos
O traballo remoto segue crecendo, o que fai esencial o uso de VPN seguras e cifrado de datos para evitar ataques informáticos en redes públicas.
Conclusión: Como prepararse ante os riscos de ciberseguridade en 2025?
O panorama de ciberseguridade en 2025 será máis desafiante que nunca. Co aumento dos ataques de ransomware, phishing avanzado e vulnerabilidades en IoT, é crucial que tanto empresas como usuarios adopten medidas preventivas.
Desde Enxenio, traballamos con solucións innovadoras para axudarlles ás organizacións a implementar estratexias de ciberseguridade avanzadas. A autenticación multifactor, o Zero Trust e a intelixencia artificial aplicada á detección de ameazas son ferramentas chave para previr ataques.
🔐 Contacta con Enxenio para fortalecer a seguridade dixital da túa empresa e anticiparte aos riscos de ciberseguridade en 2025.
Se che gustou este artigo, non dubides en botarlle unha ollada ás nosas últimas entradas: Automatización intelixente: como están cambiando os RPA a forma en que operan as empresas? e Business Intelligence preditivo
