Que é a ciberseguridade na nube e por que é clave para a túa empresa?
Se traballas con datos na nube, a ciberseguridade debería ser unha das túas prioridades. Migrar o teu negocio ou proxecto a un contorno cloud dáche flexibilidade e acceso desde calquera lugar, pero tamén abre a porta a riscos como accesos non autorizados, perda de información e ciberataques que poden comprometer os teus datos.
Para evitar problemas, necesitas unha estratexia de seguridade que che permita controlar quen accede á túa información, protexer os datos sensibles e detectar ameazas a tempo.
En Enxenio, axudámosche a reforzar a seguridade do teu contorno cloud con solucións adaptadas ás túas necesidades e en cumprimento coas normativas máis exixentes.
Principais riscos de ciberseguridade na nube
Accesos non autorizados
As credenciais roubadas poden permitirlles aos ciberdelincuentes infiltrarse na túa nube e manipular información sen ser detectados.
👉Para evitalo, aplicamos autenticación multifactor (MFA) e o principio de menor privilexio, restrinxindo o acceso só ao necesario.
Perda de datos
Erros humanos, ataques de ransomware ou configuracións incorrectas poden comprometer datos teus críticos.
👉 A implementación de copias de seguridade automáticas e cifrado de datos reduce significativamente o risco de perda ou roubo de información.
Cumprimento normativo e privacidade
O incumprimento de regulacións como GDPR, PCI DSS e HIPAA pode derivar en sancións e afectar a reputación dunha empresa.
👉 É importante, asegurarnos de que os sistemas cloud cumpran con normativas de protección de datos mediante auditorías, exercicios de Ethical Hacking e estratexias de seguridade personalizadas.
Mellores prácticas de ciberseguridade na nube
Autenticación multifactor en todos os accesos
O MFA agrega unha capa extra de seguridade para evitar accesos non autorizados, con iso, conseguimos previr intrusións non desexadas en todos os accesos críticos.
Cifrado de datos en tránsito e en reposo
O cifrado de datos protexe a información, mesmo se é interceptada. En Enxenio, empregamos boas prácticas e cifrados robustos de extremo a extremo para garantir a privacidade dos datos na nube.
Monitoración e auditoría en tempo real
Supervisar os accesos na nube permite detectar anomalías antes de que representen un risco. A monitoración continua e alertas de seguridade axúdannos a reaccionar a tempo fronte ás posibles ameazas.
Formación en ciberseguridade na nube
O erro humano segue sendo a causa principal dos incidentes de seguridade. Por iso, capacitar os equipos en prevención de riscos cloud é fundamental para reducir a posibilidade de ataques exitosos.
Elección de provedores de nube confiables
Non todos os provedores cloud ofrecen o mesmo nivel de seguridade. É importante traballar só con plataformas certificadas que cumpran cos estándares máis altos en ciberseguridade na nube.
Conclusión: A túa empresa está protexida na nube?
Migrar á nube sen unha estratexia de ciberseguridade na nube é un risco innecesario. Garantir a seguridade en contornos cloud é clave para manter a continuidade do negocio ou proxecto.
Para minimizar riscos e asegurar a protección de datos, é imprescindible contar cun plan de seguridade efectivo. Se a túa infraestrutura na nube necesita unha estratexia máis sólida, en Enxenio podemos axudarche a implementala de forma segura e eficiente.
Se che gustou este artigo, non dubides en botarlle unha ollada á nosa última entrada: Zero Trust: protexe a túa empresa con Enxenio
