As novas tecnoloxías da información e das comunicacións están transformando a sociedade, e en particular os procesos de aprendizaxe

 A introdución das TIC’s no ensino é unha das materias pendentes na sociedade actual. Desde enxenio estamos comprometidos con este problema, tendo unha liña de produtos e un equipo de traballo adicado ao desenvolvemento de ferramentas que permitan a mellora do ensino en primaria e secundaria co uso das novas tecnoloxías, con dúas liñas de actuación claramente definidas: por unha banda sistemas de xestión para os centros e pola outra contidos dixitais para a docencia.

 Libros de texto virtuais e contidos educativos

Adaptados ás exixencias da educación 2.0 e baseados en estándares, con exercicios interactivos para o desenvolvemento de habilidades básicas como lectura comprensiva, expresión escrita, relación e asimilación de conceptos… Coa posibilidade de integrarse en entornos virtuais de aprendizaxe (EVA) co formato SCORM.

Xogos educativos interactivos

Xogos en web para os que non é necesario ter instalado ningún programa no ordenador, máis alá dun simple navegador, e que permiten partidas entre varios/as xogadores/as ou en solitario.

	Trivial Xogando é a mellor forma de achegármonos á nosa literatura, á nosa historia, á nosa xeografía, a nós mesm@s. Este xogo tipo trivial, pensando na xente moza e na que non o é tanto, ten o obxectivo de contribuír á galeguización dun espazo vital, o do lecer e o xogo.
	Scattergories Xogo no que poden participar de dous a catro xogadores que consiste basicamente en que cada quen escriba palabras que encaixen en certas categorías elixidas ao azar (froitas, animais etc.) e que comecen por unha letra determinada obtida tamén aleatoriamente a través dun dado de 20 caras.
	Scrabble O xogo consiste en formar palabras de dúas ou máis letras e colocalas no taboleiro cuadriculado (15x15), horizontal ou verticalmente, de xeito que poidan ser lidas de esquerda a dereita ou de arriba a abaixo. Despois da xogada inicial, cada palabra débese ligar con algunha das que xa están no taboleiro.
	Xogo da Oca Está baseado no xogo da oca. Consiste en lanzar o dado e ir movendo a ficha ao longo dun taboleiro en espiral formado por cadros, tendo algúns deles asociadas accións especiais como bonificacións ou castigos. A diferenza do xogo clásico, cando o/a xogador/a cae nun cadro deberá superar unha proba para poder ficar nel, evitar un castigo etc.

Ferramentas de Xestión Académica (SIXA)
http://www.sixa.es/es

Sistema Informático para a xestión do día a día do profesorado de ensino medio (público e concertado) – caderno de clase virtual – con toda a información relacionada co desenvolvemento académico do alumnado (cualificacións, faltas, informes etc.).

• Caderno de Clase Virtual.
• Xestión da comunicación coas Familias.
• Programación docente.
• Comunicación entre o equipo docente e directivo.