O 80% da información que manexan as organizacións inclúe algunha referencia xeográfica
 

Atendendo a diferentes estudos, na sociedade actual ao redor do 80% da información que manexan as organizacións, tanto públicas como privadas, ten algún tipo de referencia xeográfica, polo que se fai case imprescindible que ditas organizacións dispoñan de sistemas que lle faciliten a toma de decisións, xestionando e integrando dita información.

enxenio leva desenvolvendo solucións GIS desde hai máis de sete anos, para distinto tipo de clientes, desde administracións públicas locais, provinciais e autonómicas, até empresas privadas.

enxenio desenvolve os seus sistemas GIS en código aberto, aínda que tamén coñece e manexa as principais ferramentas comerciais establecidas no mercado: ArcGIS de ESRI e Geomedia de Intergraph.

Características:

As principais características tecnolóxicas das nosas solucións son:

• Baseados integramente en código aberto.
• Arquitecturas cliente-servidor que permiten o traballo de diferentes persoas simultaneamente.
• Aplicacións interoperables e extensibles.
• Arquitecturas modulares baseadas en servizos estándares definidos polo ISO e o OGC.
• Sistemas de Información orientados á creación dunha Infraestrutura de datos (IDE), seguindo as directivas do INSPIRE.

Áreas de Aplicación:

• Planeamento urbanístico.
• Concentracións parcelarias.
• Xestión de expropiacións
• Impacto de actuacións públicas.
• Impacto Medioambiental.
• Rutas de distribución.
• Xestión de activos xeoreferenciados.
• Xeomarketing.
• Promoción turística.